Daar is niks vir my so mooi soos ‘n klein mensie nie – kyk net die perfekte baba Nicolas. Hierdie pragtige seuntjie sal 29 Mei 2 maande oud wees. Mamma Lezanne is baie kreatief en ek was gaande oor al die mooi elemente in sy kamer. Nicolas het salig geslaap vir die grootste deel van die fotosessie, maar toe hy eers sy ogies oopmaak was dit duidelik dat hierdie klein aantreklike knapie ‘n groot persoonlikheid het. Geniet!