Nikki Meyer Photography

WOW, wat ‘n voorreg was dit nie om hierdie twee stunning, opregte, lewenslustige mense se troue te kon dokumenteer nie. Sumé & Riaan het die Blue Bay Lodge in Saldanha gekies vir hulle spesiale dag. Dit was ‘n heerlike samekoms van vriende en familie. Alles was stunning - Sumé het absoluut gestraal, ek was gek oor die kleur van haar lipstiffie, en Riaan het uiters sjarmant gelyk in sy grys pak. Alhoewel Riaan bietjie skepties vir die fotonemery was, dink ek nie iemand kan stry dat hulle saam ongelooflik spontaan lyk op die foto’s nie, dié twee is net so gemaklik in mekaar se geselskap en net een woord kan die ander een uit sy maag laat lag! Hulle is twee uiters passievolle, warm en liefdevolle mense en ek en Adél, my assitent, het net so welkom gevoel by hul troue. Die gaste was ook uiters spontaan en nie vir ‘n oomblik omgegee om afgeneem te word nie, ‘in fact’ as die kamera nader gekom het, was hulle reg met ‘n ‘pose’. Ek was mal oor die atmosfeer by hierdie troue, daar was geen formele styfheid te bespeur nie, dit het eerder gevoel soos ‘n heerlike informele fees!