Petrus & Thelmé | 30 Oktober 2010 | Nooitgedacht, Stellenbosch

Dit is was een groot vreugde om by hierdie bitter oulike paartjie se troue betrokke te kon wees! Ek was bevoorreg om vir Thelme al verlede jaar te leer ken het toe ek haar trou uitnodigings vir hulle gemaak het. Saterdag 30 Oktober was ‘n heerlike warm dag in Stellenbosch en familie en vriende het van reg oor die land en ook van ander dele van die wêreld gereis om saam te kom ter viering van Thelme en Petrus se nuwe lewensreis saam. Ek was mal oor letterlik alles by hierdie troue – eerstens, die blomme en dekor…wat ‘n lus vir die oog (die sagte pienke, groene en goud was so romanties)! In plaas van die gewone enkel troukoek, was daar ‘n klein troukoekie (tradisionele, outydse troukoek) op elke tafel en die oudste persoon aan elke tafel het die tafel se koek gesny en gaste het elk ‘n boksie gekry om die stukkie koek huis toe te kon neem – hoe uniek en oulik! Thelme se ouma het haar hand ruiker vir haar gemaak – baie spesiaal! Die bruid self het soos ‘n droom gelyk in haar fraai trourok met kant en pêrels afgewerk en Petrus het alte defitig gelyk in sy gestreepte troupak met strikdas. Na die seremonie is ons reguit Mystic Boer toe in Victoriastraat – dit was Thelmé se oorspronklike voorstel en ek was natuurlik vreeslik opgewonde om daar binne te kon fotos neem! Behalwe vir die kroeg fotos is alles met natuurlike lig binne geneem. Nooitgedacht self is ‘n lushof vir enige fotograaf – daar is net soveel om mee te werk en ek is mal oor die sagte lig wat om elke hoek en draai te vind is. Ek is seker julle gaan hierdie post geniet!

Service providers:

Flowers & décor: Leipzig

Dress: Elbeth Gilis

Bride’s bouquet: Bride’s grandmother

Hair: Annelize – House of hair

Make-up: Marietjie Hurter

Cakes: Elise Mariette

Stationery: My mom and myself

Assistant: Pc Benadé (so baie dankie vir jou hulp!)