Mia & Ulrich (Verloof!) | Oktober 2010 |

Ulrich & Mia is twee van ons beste vriende. Enige iets saam met hulle word omskep in ‘n fees. Hulle ongelooflike passie vir die lewe, sin vir humor en spontane vreugde is so aansteeklik (en ek glo sterk daarin dat jy jou moet omring met positiewe mense!). Die tweetjies se ogies blink al vir mekaar sedert Ulrich in Matriek was en Mia in Standerd 8 (graad 10) en die passie wat die twee vir mekaar het groei net by die dag. Ulrich is ‘n ingenieur en Mia het nou net haar M graad in Sielkunde voltooi. Albei is uiters sportief en is gek oor draf en fietsry. Ek het aan die begin van die jaar ‘n paar fotos van hulle geneem sommer net vir die pret daarvan en nou, nadat hulle verloof geraak het, het ons weer fotos gaan neem – dié keer tussen die bloeisels! Mia het spesiaal rondgery om die mooiste bloeisels te vind en ek was uit my nate toe ek daar aankom (die plaaspad net na Neethlingshof – maar die bloeisels is al klaar weer weg, dit blom mos net vir ‘n baie kort rukkie!) en die sagte wit donsige kombers oor die vars groen blaartjies sien! Ons het sommer al die fotos net daar geneem en Mia het self soos ‘n blommetjie gelyk in haar vrolike pienk rokkie. Dié tweetjies trou volgende jaar die 9de April in Franschhoek en ek kan nie wag om ‘n strooimeisie te wees nie! Geniet!

Die verloofdes: