John-bert & Elrika | 3 April 2010 | Molenvliet, Stellenbosch

Oe, hierdie was nou ‘n lekker troue! Die hele dag was ‘n fees vir die oog – van die bruid (Elrika het behoorlik gestraal!), die blomme & dekor, reg deur tot die uitspattige lekkergoed tafel (enige kind en grootmens se droom!). Elrika, wat medies swot op Tygerberg,het vir maande lank elke detailtjie haarfyn beplan, en sy (en almal wat betrokke was) kan so trots wees op die eindresultaat. Die dag het soos ‘n sprokie ontvou en alles het plaasgevind op die beeldskone Molenvliet gronde omvou deur reuse berge en sagte groen wingerde. Elrika en haar funky, energieke gevolg het in die gastehuis reggemaak waar die opwinding hoog geloop het voordat hulle in styl gearriveer het by die bedouin tent waar John-bert met groot afwagting vir sy bruid gewag het. Aangesien die bruidspaar gebore en getoë in Namibië is, was daar ‘n hele trek van die noorde om hierdie opwindende dag met hulle te kon deel en reg deur die dag was dit duidelik dat almal hulle gate uit geniet het! Vir sommige van julle mag hierdie oulike paartjie dalk bekend lyk, ek het laasjaar hulle verlowingsfoto’s in Kaapstad geneem en dit was groot pret, hulle troue was selfs meer opwindend en ek is baie bly dat ek hierin kon deel. Hoop julle geniet die kiekies!

Service providers:

Venue: Molenvliet

Dress: Elizabeth Stockentröm

Hair: Lisa Louw Make-up: Jani: 083 461 2261

Stationery: Adam and Eve weddings

Flowers & Décor: Mint & Magnolia

Vidoegrapher: Crosstover (Chris)

Catering: Pink Salt