Nikki Meyer Photography

Ilze en Dave se troue was my laaste een van 2009 en wat ‘n hoogtepunt om op te eindig! Met dié dat die vakansie tussen-in was, weet ek hulle wag nou al lank in afwagting vir hierdie foto’s - ek hoop dit was die wag die moeite werd! Ilze en David is onafskeidbaar van vroeg al op universiteit. Ek was bevoorreg om hulle 6 jaar gelede te kon ontmoet en ek het baie uitgesien om eerstehands hulle troudag te kon beleef. Die hele dag was ‘n sprokie soos min. Dit het begin met die tuinrose in allerhande skakerings van pienk vir die dekor en is voortgesit in Ilze se beautiful rok (die kant het sy spesiaal gebring van Korea waar sy en David onderwys gegee het), sagte grimering en bouquet. Ek was ook gek oor haar sagte pienk skoene wat sy van Korea af huis toe gebring het. Die seremonie was ook op ‘n ligte trant en duiwe is vrygelaat toe Ilze en David by die kerk uitkom. Die gaste het ook geweet dat daar ‘n groot makietie op hulle wag toe die bruidspaar die dansvloer open deur eers meel op die vloer te strooi. Hierdie troue was nou ‘n behoorlike bruilofsfees van familie en vriende en mens kon sien dat hierdie stunning couple elke oomblik geniet!

Dress: Ilse Roux

Make-up: Merlene Engelbrecht

Bride’s bouquet: Leipzig