Elzette & Niël | 21 November 2009 | Kleinevalleij, Wellington

Elzette & Niël het mekaar die eerste keer gesien op die trappe van die SA Gemeente in Londen en toe langs mekaar beland in die kerkbanke. Niël het dadelik geweet dat hierdie fyn donkerkop sy toekomstige vroutjie gaan wees, maar Elzette het nog bietjie oorreding gekort voor sy besef het dat hierdie 'tall, dark & handsome' man presies weet hoe om met haar hartsnare te tokkel en dat sy met hom aan haar kant vir die ganse wêreld kans sien! Hulle mooi storie is finaal geseel op 'n lieflike (en baie warm!) dag in die Paarl. Ek was mal oor al die kleiner details by hierdie troue, soos Elzette se oorbelle, skoene en turqoise sonbril! Die dekor was ook vars en romanties met vintage touches soos die pêrel krale in die klokglase. Haar rok het haar soos 'n handskoen gepas en ek was mal oor die tikkie Spaanse flair daarvan. Niël het ook baie netjies gelyk in sy duifgrys pak. Volgens Elzette is Niël die grappige een en sy die meer perfeksionistiese, ernstige een, maar een ding was vir my seker – hierdie twee weet hoe om die beste uit mekaar te bring en hoe om baie saam te lag!

win men