Daleen & Pieter | Maart 2010 | Gardens, Cape Town

Kyk, ek dink daar is min plekke so interessant en wat so baie teksture en opsies bied as Kaapstad. Daleen en Pieter trou 7 Augustus vanjaar in die Baai. Sy is die beste vriendin van ‘n koshuisvriendin van my, so ons ken mekaar al ‘n rukkie en daarom was ek vreeslik opgewonde toe sy my kontak vir foto’s. Ek was opgewonde vir ‘n paar redes, maar twee daarvan is dat Daleen verseker moeite sou doen met haar voorkoms (sy lyk vir my soos ‘n porselein poppie met haar sagte vel en beeldskone turqoise/blou oë) en dat sy ‘n beeldskone mens van binne en buite is. Pieter is verseker haar ander helfde, die twee deel ‘n teer sagtheid vir mekaar en kan lekker saam lag maar ook ernstig wees (soos op van die foto’s, hulle het so lekker ge-’pose’!). Die agtergrond van uitgewasde kleure en interessante ou geboue het die perfekte agtergrond gemaak vir hul persoonlikhede en ‘look’. Dankie julle vir ‘n baie fun shoot!

Adél het hierdie foto geneem, ek loooove dit, dit lyk soos ‘n skildery! Well done Dél!

Daleen het ongelooflike mooi oë!

Ek is mal oor die ou hooggeregshof se argitektuur