Charl & Anso | 8 May 2010 | Strandkombuis, Yzerfontein

Charl en Anso is twee baie spontane, gemaklike mense en ‘n ‘laid-back’ venue soos Strandkombuis langs die weskus was die perfekte keuse om die nuwe hoofstuk in hul lewe mee af te skop! Anso het my aanvanklik ingelig dat Charl nie so gretig is vir foto’s neem nie maar op die dag was dit allesbehalwe die geval, hy is heeltyd vol grappies gewees en het soveel energie ingesit in die foto’s dat ek dink hul persoonlikhede het regtig deurgekom. In Mei maand kan die weer jou lelik fnuik, maar op die 8ste Mei was die lug oop en blou en ek het eers later toe ek die foto’s edit gesien hoe ‘n mooi dag dit eintlik was. Anso is een van daai ‘moeitelose skoonhede’ (effortless beauties) – sy is lank en skraal en het die mooiste oë en glimlag en dit was ‘n fees om haar te kon afneem. Sy het haar skoene uitgetrek vir die couple fotosessie en Charl het sy broekspype opgerol en toe ek weer sien is hulle albei in die water! Die aand se feesvieringe was ook in ‘n baie ligte luim en almal het net lekker saam gekuier. Hoop julle geniet dit!

Bruid se rok: Bride & Co

Gastehuis waar Anso gereed gemaak het: Villa Pescatori

Make-up: Iza (Loubser) Cloete

Hare: Style for hair