Annette & Louwrens | 9 January 2010 | Kronenburg, Paarl

Annette en Louwrens het hul historiese dag saam met 220 gaste gevier by Kronenburg, net buite Paarl. Dit was nou vir jou ‘n feestelike geleentheid soos min! Ek was gaande oor hulle dekor daar was net genoeg van alles sodat dit nie oordadig was nie, maar steeds uiters deftig en smaakvol. Annette het klassiek en sag gelyk in haar Audrey Hepburn – geïnspireerde rok, dit het haar soos ‘n handskoen gepas! Annette se pa het die diens gelei wat die seremonie ekstra spesiaal gemaak het. Daarna is ons weg om die couple en hul gevolg se foto’s te neem. Ek het lanklaas so ‘n spontane klomp bymekaar gesien, almal was meer as bereid tot deelname en het gelyk of hulle hulself gate uit geniet. Annette was ook een van die mees spontaanste bruide waarmee ek al gewerk het, sy het hierdie lieflike groot glimlag en liefde wat uit haar straal en net een kyk vir Louwrens en sy oë lag ook saam. Een van die verassings van die dag, was toe ons terugkeer na foto’s by Kronenburg en al 220 gaste sit netjies in die amfiteater gereed vir die groepfoto!
Annette en Louwrens, dankie dat ek hierdie wonderlike dag saam met julle kon deel en ek hoop julle geniet hierdie voorskou!