Annemé & Hentas | 6 February 2010 | Kronenburg, Paarl

Die Vrydagoggend voor Anneme en Hentas se troue, was ek nog op Mauritius vir my honeymoon, nietemin was ek baie opgewonde toe ek Saterdag by Kronenburg aankom want ek het geweet Anneme en alles by haar troue gaan beeldskoon wees, en ek was geensins teleurgesteld nie! Anneme het gelyk asof sy reg uit ‘n silwerdoek rolprent in die 1950′s gestap het – romanties, klassiek…’n ware godin in wit! En nie vir een oomblik het haar groot glimlag verdwyn nie, sy het behoorlik gestraal. Hentas se oë het ook geskitter toe hy sy bruid vol glimlagte aan haar pa se sy by die kerkpadjie sien afkom. Die seremonie wat in ‘n baie ligte luim afgespeel het, was baie spesiaal en die twee het gereeld na mekaar gedraai die ene opgewondenheid in hul gesigte. Ons was aanvanklik onseker waar ons die foto’s sou neem en toe ek en Adél vroeër die middag die Paarl binne ry, ry ons verby ‘n ou hotel en cuban restaurantjie teen die hoofstraat, dadelik kon ek die potensiaal van die ou lig blou deur en oranje muur sien – te danke aan Hentas se donker pak en Anneme se beeldskone swart hare, het hulle lekker gekontrasteer met die agtergrond. Die twee, wat albei dokters is, het duidelik die fotosessie geniet en was baie natuurlik! Die onthaal was ook besaai met ‘n gelag en ‘n gedans, voorwaar ‘n bruilofsfees!